肉食小百科🥩T骨牛扒大解構👩🏼‍🏫

咩係T骨牛扒（T-Bone Steak）？
T骨牛扒取自牛腰脊部份，簡單嚟講就係將牛柳、西冷牛扒同中間連帶嘅T字脊骨原個切出。
當中牛柳嚟自牛腰脊內側，因為牛隻喺日常活動中極少會運用到呢部位嘅肌肉，所以肉質極為幼嫩，脂肪含量亦相對低；而西冷就係喺牛前腰脊部份嘅肉，油脂分佈均勻之餘，肉質有嚼勁，味道亦相當濃厚。

紅屋牛扒（Porterhouse Steak）等於T骨牛扒？
好多人都會叫紅屋牛扒做T骨牛扒，事實上兩者嘅分別只係在於牛柳部份尺寸。
如果喺牛腰脊部份靠近尾端部位切片，牛扒嘅牛柳部份就會較大，咁樣切出嚟嘅就係紅屋牛扒；相反靠近頭段切片，牛柳部分就會越來越小，牛扒組成嘅部位以西冷為主，咁就係典型嘅T骨牛扒。
根據美國農業部（USDA）嘅標準，牛柳部份必須多於1.25寸厚先可以被歸類成紅屋牛扒，所以Porterhouse 特別矜貴！

識揀梗係揀紅屋牛扒（Porterhouse Steak），一塊就有二人份量，仲可以歎到兩種唔同牛肉口感同滋味！識食嘅你梗係要訂返箱同家人摯愛分享！

了解更多